Historia

Kisarawe  ni moja kati ya halmashauri saba za mkoa wa Pwani.Imeanzishwa tarehe 1 Julai 1907.Wilaya ya Kisarawe inapakana na Wilaya ya Mkuranga kwa upande wa Kusini-mashariki na Wilaya ya Morogoro upande wa Magharibi.Mashariki-Kaskazini kuna Jiji la Dar es Salaam, Kaskazini Wilaya ya Kibaha na  Kusini  Wilaya ya Rufiji.Wilaya ina eneo la ukubwa wa Kilomita za mraba 3535 na mita1000 juu ya usawa wa bahari.

Kiutawala Wilaya ya Kisarawe imegawanyika katika tarafa nne(4) ambazo ni Sungwi, Maneromango, Mzenga na Cholesamvula  .

Wilaya ina jimbo moja la uchaguzi la Kisarawe.Jimbo hili kwa sasa linaongozwa na Mbunge wa kuchaguliwa Mhe. Selemani Jafo ambaye ni Naibu Waziri Ofisi ya Raisi TAMISEMI na Mhe. Zaynab Vulu mbunge Viti Maalumu. Kwa upande wa uwakilishi wa Wananchi,Halmashauri ya Wilaya ya Kisarawe ina jumla ya Madiwani 25.Bonyeza hapa kupata orodha ya madiwani na namba zao za simu.