UBORESHAJI WA DAFTARI LA KUDUMU LA WAPIGA KURA-AWAMU YA PILI TAREHE 16-22 MEI 2025

13 May 2025

UBORESHAJI WA DAFTARI LA KUDUMU LA WAPIGA KURA-AWAMU YA PILI NA UWEKAJI WA DAFTARI WAZI

KUANZIA MEI 16-22,2025

Kwa mujibu wa Kifungu cha 16 (5) cha Sheria ya Uchaguzi wa Rais, Wabunge na Madiwani, Na. 1 ya Mwaka 2024, Uboreshaji wa Daftari la Kudumu la Wapiga Kura utakuwa mara mbili kati ya kipindi kinachoanza mara baada ya uchaguzi mkuu na kabla ya siku ya uteuzi. Wanaohusika katika zoezi hili ni wananchi ambao: -

1. Wametimiza umri wa miaka 18 na kuendelea ambao hawakuandikishwa hapo awali;
2. Watakaotimiza miaka 18 kabla ya tarehe ya Uchaguzi Mkuu wa Mwaka 2025;
3. Waliojiandikisha awali na wamehama Kata au Jimbo moja kwenda jingine;
4. Wenye taarifa zilizokosewa wakati wa uandikishaji; na
5. Waliopoteza au kadi zao kuharibika.

Zoezi litafanyika kwenye ngazi ya kata kwa kila kata husika.

JITOKEZE KUHAKIKI TAARIFA ZAKO KWENYE KITUO ULICHOJIANDIKISHIA AWALI NA  KUBORESHA TAARIFA ZAKO .