TAARIFA YA IDARA YA MIFUGO NA UVUVI KWA MWAKA 2017/18
Idara ya Mifugo na Uvuvi inatekeleza shughuli mbalimbali za kitaalam ikiwa ni pamoja na utoaji huduma za ugani kwa wafugaji kwa kuwashauri kufuata kanuni za ufugaji bora na wenye tija wa mifugo ya aina tofauti, Pia idara inajishughulisha na utoaji ushauri wa kitaalam kuhusiana masuala ya uvuvi ikiwa ni pamoja na uvuaji samaki katika mabwawa. Ufugaji na uvuvi ni mojawapo ya shughuli muhimu sana za kiuchumi ambazo husaidia wananchi kujiajiri na kuzalisha mifugo na samaki na mazao yake kama vile nyama, maziwa ,mayai, ngozi na vifaranga vya samaki kwa ajili ya kuuza na kujipatia kipato cha kumudu kuendesha maisha yao. Halmashauri ya Wilaya ya Kisarawe ina jumla ya ng’ombe wa asili 45,899, ng’ombe wa maziwa 3564, mbuzi wa asili 9331, mbuzi wa maziwa 651, kondoo 1322, nguruwe 3148, mbwa 3289, paka 428, kuku wa asili 211176, kuku wa kisasa 65678, punda 21 na mabwawa ya samaki 24 mpaka hivi sasa.
MALENGO YA IDARA
Lengo kubwa ni kuhakikisha wafugaji wanapata elimu ya ufugaji bora wa kisasa na wenye tija kwa nia ya kumfanya mfugaji aongeze kipato ili aondokane na umaskini uliokithiri lakini pia kuongeza pato la taifa.
Idara imejiwekea malengo ya kutoa huduma bora za ugani ili kuwasaidia wadau wake kutekeleza kanuni za ufugaji wa kisasa na kuongeza tija katika uzalishaji wa mazao ya mifugo na samaki ili kujiongezea kipato chao na pia kuboresha lishe katika ngazi ya kaya/familia na hatimaye wilaya.
MAFANIKIO
Idara imekuwa ikitekeleza kazi mbalimbali na kutoa ushauri kwa wadau wake kupitia huduma za ushauri na ugani kwa maafisa mifugo kuwashauri walioko vjijini kuwashauri wafugaji na wavuvi kufuata na kutumia mbinu za kisasa za uzalishaji kwa lengo kuongeza uzalishaji wa mazao bora ya mifugo na samaki ili kuwanufaisha wazalishaji. Mpaka hivi sasa wilaya imefanikiwa kutenga jumla ya hekta 63,442.84 katika jumla ya vijiji 24 vilivyofanyiwa mpango wa matumizi bora ya ardhi wilayani. Pia kuna maabara moja ya mtu binafsi ya kutotolesha vifaranga wa samaki aina ya pelage.
Pia kuna kituo kimoja cha uhimilishaji na kituo cha kutotolesha vifaranga katika kijiji cha Mloganzila
CHANGAMOTO
Idara inazo changamoto kama ifuatavyo:-
Ufinyu wa bajeti ili kutekeleza majukumu na kazi mbalimbali za kila siku kama utoaji chanjo za mifugo na kichaa cha mbwa.
Ukosefu wa usafiri kuwafikia wafugaji walioko mbali na kukwamisha ufuatiliaji ,
Ukosefu wa vitendea kazi kama veterinary kits, extension kits , protective gears.
Pia changamoto nyingine ni ukosefu wa miundo mbinu ya mifugo katika maeneo yaliyotengwa kwa malisho hali inayochangia mifugo mingi kurundikana katika vijiji vilivyoko kando kando ya mto Ruvu hususan vijiji vilivyoko katika kata ya Mafizi.
Baadhi ya wafugaji kutokuwa tayari aidha kukinga au kutibu mifugo yao
Maduka ya madawa kutokuwa karibu na maeneo ya wafugaji hivyo inakuwa vigumu kupata dawa za kinga na matibabu zinapohitajika, pia gharama inakuwa kubwa pale wanapozifuata maeneo ya mijini kama vile Dar es Salaam.
Ukosefu wa machinjio ni changamoto kubwa katika sekta ya mifugo Wilayani.
Kutowepo kwa ulinzi madhubuti mnadani na hivyo kupelekea wafanyabiashara ya mifugo kukwepa kulipa ushuru na kusababisha mapato kidogo kukusanywa.
Wafugaji kutokuwa na vibanio (crashes) imara kwa ajili ya zoiezi la kupiga chapa hivyo kusababisha zoezi kutumia muda mrefu sana.
Upungufu au uhaba wa maji hususan kipindi cha kiangazi hali inayosababisha wafugaji kutafuta rasilimali hiyo katika maeneo mengine na kusababisha migogoro na wadau wengine
IKAMA YA IDARA YA MAENDELEO YA MIFUGO NA UVUVI
Aina ya Kada
Mahitaji
Waliopo
Mapungufu
LFO’s (Livestock Field Officer’s)
23
15
8
LO’s (Livestock Officer’s)
7
7
0
VO’s (Veterinary Officer’s)
1
1
0
TOTAL
31
23
8
MAJUKUMU KWA MPANGILIO WA IDARA YA MIFUGO NA UVUVI
JUKUMU (Role)
WAJIBU (Responsibility)
ENEO LA KIPAUMBELE (Area of focus)
UENDELEZAJI SEKTA YA MIFUGO NA UVUVI (W)
1.Kutafsiri sera, mikakati, miongozo na sheria mbalimbali za Kitaifa sanjari na hali halisi ya maendeleo ya uzalishaji wa mifugo na uvuvi Wilayani.
1.Kuhakikisha tafsiri sahihi ya Sera zinazosimamiwa na Sekta ya Mifugo na uvuvi Wilayani
2. Kuandaa maandiko ya mipango ya Maendeleo Kilimo/Mifugo na Uvuvi (DADPs) kwa uwakilishi wa walengwa kwa
mpango shirikishi.
2. Kupata miradi sahihi
itakayoweza kutatua
kero za jamii.
3.Kuwezesha na kuwa
kiungo kati ya Taasisi za watafiti wa Maendeleo ya Mifugo na Uvuvi, wafugaji, wadau mbalimbali wa ngazi za Kata, Vijiji na viongozi wa Halmashauri ya Wilaya.
3. Mbinu za ufugaji bora
zinawafikia wafugaji na
pia matatizo na
changamoto za ufugaji
zinafikishwa kwa
watafiti
kwa kutafutiwa
ufumbuzi.
4.Kusimamia miongozo
ya kutoa huduma mbalimbali za mifugo kupitia sekta binafsi na mashirika yasiyokuwa ya Kiserikali (NGOs) na CBOs), watoa huduma za mifugo na uvuvi kibiashara na kuwashirikisha, kuwahimiza watumie uwezo wao kutoa huduma za baadhi ya vyanzo vitakavyobinafsishwa ili kuendeleza huduma hizo Wilayani.
4.Kushirikisha wadau
katika kutoa huduma za mifugo
5.Kuwajibika kuongoza na kuharakisha matumizi sahihi ya pembejeo za mifugo zenye ruzuku ya serikali kwa kuzingatia taratibu zilizowekwa na kuhakikisha maamuzi sahihi yanafanyika haraka na kwa wakati kwenye zabuni
5. Kuhakikisha ruzuku ya pembejeo ya mifugo zinawafikia na kuwanufaisha wafugaji kama ilivyokusudiwa na Serikali.
6.Kuhakikisha kuwepo kwa mrejesho wa matokeo ya tafiti mbalimbali za mifugo kwa wafugaji na vikundi vya wafugaji Wilayani.
6.Kuhakikisha tathmini na taarifa za utendaji kazi wa Idara zinatolewa.
7.Kuwa na mawasiliano
kati ya Taasisi na Mashirika yanayojihusisha na mambo mtambuka ndani ya Wilaya kama vile: Maliasili, Jinsia, Mazingira na Mashirika ya uwezeshaji kimkoa kama RFAs kwenye masuala ya UKIMWI n.k ili kuona kwamba masuala hayo yanaingizwa kwenye mpango klazi ya Maendeleo ya Mifugo na Uvuvi Wilayani.
8.Kuratibu na kutoa ushauri wa masuala ya Maendeleo ya Mifugo na Uvuvi yanayotekelezwa Wilayani na Serikali pamoja na Mashirika binafsi. Kufuatilia, kutathmini na kutoa taarifa za matukio ya majanga mbalimbali kama vile mlipuko wa wadudu wanaoshambulia mazao, magonjwa ya mifugo ya mlipuko n.k kwenye mamlaka za Kanda, Mkoa na Maafisa wa ngazi za Taifa na Idara husika
