KISARAWE YAPITISHA BAJETI YA MWAKA 2021/2022 KIASI CHA SHILINGI BILIONI 39.8

Posted on: February 17th, 2021

Leo tarehe 17/02/2021 Mhe. Mwenyekiti wa Halmashauri ya Wilaya ya Kisarawe Zuberi Kizwezwe pamoja na Baraza la madiwani  wamepitisha kiasi cha fedha tsh bilioni 39.8 ikiwa ni makadirio ya kukusanya na kutumia kwa mwaka 2021/2022 katika kutekeleza miradi ya maendeleo,kulipa mishahara ya watumishi na Matumizi ya kawaida ya uendeshaji wa shughuli za Halmashauri.

Pichani Mkurugenzi Mtendaji wa Halmashauri ya wilaya ya Kisarawe ndugu Mussa Gama akitoa ufafanuzi kwa waheshimiwa Madiwani.

Pamoja kupitisha bajeti ya Halmashauri ya Kisarawe pia Mhe. Zuberi alipokea bajeti toka taasisi ya TARURA,RUWASA na NHIF. Baada ya kupokea taarifa za bajeti kutoka taasisi hizo waheshimiwa madiwani walichangia na kushauri Mambo mbali mbali ili kuhakikisha wananchi wanafikiwa na huduma zote muhimu.Katika baraza hilo Mkuu wa Wilaya Mhe. Jokate aliwaalika waheshimiwa madiwani na wajumbe wote katika Tamasha la kisarawe Ushoroba litakaloanza kuanzia tarehe 5-7/03/2021 katika viwanja vya Chanzige. 

Pichani Mkuu wa wilaya Mhe. JOKATE akitoa neno kwa wajumbe wa baraza la Bajeti

Pia Mhe. Jokate aliwaambia waheshimiwa madiwani na viongozi wa chama watapatiwa nafasi ya kwenda kutembelea Hifadhi ya  Mwl Nyerere.

Imetolewa na Kitengo Cha TEHAMA na UHUSIANO-Kisarawe.